മണ്ണാർക്കാട് :അലനല്ലൂർ പഞ്ചായത്തിലെ കുഞ്ഞുകുളം വാർഡിൽ വീട്ടുവളപ്പിലെ കിണറിൽ വീണ കാളക്കുട്ടിയെ അഗ്നിരക്ഷാ സേന രക്ഷിച്ചു.അത്തിക്കുത്ത് പത്മിനിയുടെ അഞ്ചുമാസം പ്രായമുള്ള കാളക്കുട്ടിയാണ് ഏകദേശം 25 അടി താഴ്ചയും രണ്ടടിയോളം വെള്ളമുള്ളതും ആൾമറയില്ലാത്തതുമായ കിണറിലകപ്പെട്ടത്.ചൊവ്വാഴ്ച വൈകിട്ട് ഏഴേ മുക്കാലടെയാ യിരുന്നു സംഭവം. വിവരം വാർഡ് മെമ്പർ പി.രഞ്ജിത്താണ്അഗ്നിരക്ഷാനിലയത്തിൽ അറിയിച്ചത്. ഇത് പ്രകാരം അഗ്നരിക്ഷാ സേന അംഗങ്ങൾ സ്ഥലത്തെത്തി കിണറിൽ ഇറങ്ങി രക്ഷാ വലയിലേക്ക് കാളക്കുട്ടിയെ കയറ്റി കരയ്ക്കെത്തിക്കുകയായിരുന്നു.
സീനിയർ ഫയർ ആൻഡ് റെസ്ക ഓഫിസർ ടി.ജയരാജൻ, സേന അംഗങ്ങളായ വി.സുരേഷ്കുമാർ,കെ.വി.സുജിത്,എൻ.അനിൽകുമാർ, എം.ആർ.രാഖിൽ, ആപ്ത മിത്ര വളണ്ടിയർമാർ തുടങ്ങിയവർരക്ഷാപ്രവർത്തനത്തിൽ പങ്കെടുത്തു.വാർഡ് മെമ്പർ രഞ്ജിത്തും നാട്ടുകാരും രക്ഷാപ്രവർത്തനത്തിൽ പങ്കാളിയായി.
Post a Comment