പാലക്കാട്ടെ ജനകീയ സംഗീത സദസ്സായ മെഹ്ഫിലിൻ്റെ പതിനൊന്നാം വാർഷികാഘോഷ പരിപാടികൾ പ്രശസ്ത കഥാകാരനും കേരള സാഹിത്യ അക്കാദമി മുൻ അദ്ധ്യക്ഷനുമായ വൈശാഖൻ ഉദ്ഘാടനം ചെയ്യുമെന്ന് സെക്രട്ടറിഇ.കെ.ജലീൽ വാർത്താക്കുറിപ്പിൽ അറിയിച്ചു.ഫെബ്രുവരി 24 ന് വൈകീട്ട് 6 മണിക്ക് പാലക്കാട് രാപ്പാടിയിൽ സംഘടിപ്പിക്കുന്ന വൈവിധ്യമാർന്ന സംഗീത വിരുന്നിൽ നാട്ടിലെ കഴിവുതെളിയിച്ച സംഗീത പ്രതിഭകൾ പാടും.
സാധാരണക്കാരും കലാരംഗത്തെ പ്രതിഭകളും സഹൃദയരും ഒരുപോലെ ഒത്തുകൂടി ആഴ്ചതോറും പഴയതും പുതിയതുമായ മധുര സംഗീതം ആലപിക്കുന്ന മെഹ്ഫിലിന് ഗ്രാമഫോൺ അവാർഡും ലഭിച്ചിട്ടുണ്ട്.കൂടാതെ സംഗീത ക്ലാസ്സുകളും സംഘടിപ്പിച്ചു വരുന്നു. കഴിവുള്ള ആർക്കും വന്ന് പാടാവുന്ന മെഹ്ഫിൽ വേദികൾ ബഹുസ്വരതയുടെയും സമാധാനത്തിൻ്റെയും ഒരു പൊതുഇടം എന്ന നിലയിൽ ഏറെ സ്വീകാര്യവുമാണ്.
Post a Comment