തച്ചമ്പാറ പഞ്ചായത്ത് പ്രസിഡണ്ട് ഒ നാരായണൻകുട്ടി രാജിവച്ചു

 

തച്ചമ്പാറ:തച്ചമ്പാറ പഞ്ചായത്ത് പ്രസിഡണ്ട് ഒ നാരായണൻകുട്ടി തച്ചമ്പാറ ഗ്രാമപഞ്ചായത്ത് പ്രസിഡന്റ് സ്ഥാനം രാജിവച്ചു.വൈസ്പ്രസിഡന്‍റ് രാജിജോണിയും രാജി സമര്‍പ്പിച്ചു.പഞ്ചായത്ത് നാലാം വാർഡ് ഉപതിരഞ്ഞെടുപ്പിൽ യു ഡി എഫ് ജയിച്ചതോടെ ഭൂരിപക്ഷം നഷ്ടപ്പെട്ടിരുന്നു. ഉപതിരഞ്ഞെടുപ്പിന് ശേഷം എൽഡിഎഫ് 7, യു ഡി എഫ് 8 എന്നതാണ് കക്ഷി നില.രാജി ഫേസ്ബുക്ക് സന്ദേശം വഴിയും അറിയിച്ചു.ജനഹിതം മാനിക്കുന്നു,ഗ്രാമ പഞ്ചായത്ത് പ്രസിഡൻ്റ് ചുമതല ഒഴിയുന്നു.ജനങ്ങൾ അർപ്പിച്ച വിശ്വാസം,പ്രസ്ഥാനം,ഏല്പിച്ച ഉത്തരവാദിത്വം,സത്യസന്ധമായും ആത്മാർത്ഥമായും,നിർവ്വഹിക്കാൻ,കഴിഞ്ഞ നാല് വർഷക്കാലവും സാധിച്ചുവെന്ന് അഭിമാനപൂർവ്വം തന്നെ പറയട്ടെ,,,പിന്തുണ നൽകിയവർക്കും പിന്തള്ളാൻ ശ്രമിച്ചവർക്കും ഒരുപോലെ നന്ദി. എന്നിങ്ങനെയായിരുന്നു ഫെയ്സ്ബുക്ക് സന്ദേശം.