അലനല്ലൂർ : സംസ്ഥാനപാതയിൽ മണ്ണാർക്കാട് കോട്ടോപ്പാടത്ത് സ്വകാര്യ ബസും ബൈക്കും തമ്മിലിടിച്ച് പരിക്കേറ്റ ബൈക്ക് യാത്രികൻ മരിച്ചു. എടത്തനാട്ടുകര കൊടിയംകുന്ന് സ്വദേശി ചക്കംതൊടി അബ്ദുൾ മനാഫ് (40) ആണ് മരിച്ചത്.വൈകിട്ട് അഞ്ചു മണിയോടെ ആയിരുന്നു അപകടം. അലനല്ലൂർ ഭാഗത്ത് നിന്നും മണ്ണാർക്കാട് ഭാഗത്തേക്ക് വരികയായിരുന്ന സ്വകാര്യ ബസും മണ്ണാർക്കാട് ഭാഗത്ത് നിന്നും അല്ലൂരിലേക്ക് പോവുകയായിരുന്ന ബൈക്കും തമ്മിലാണ് ഇടിച്ചത്.മനാഫിനെ നാട്ടുകാർ ചേർന്ന് വട്ടമ്പലം മദർകെയർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.പിതാവ്: മുഹമ്മദ്. മാതാവ്: ഖദീജ. സഹോദരങ്ങൾ: ഹനീഫ, അബ്ദുൾ കരീം, അബ്ദുൽ ഗഫൂർ, മുജീബ്
റഹ്മാൻ, സുബൈദ.
Post a Comment