ഇന്ത്യയിൽ നിന്നും റോക്കറ്റുകൾ വാങ്ങാൻ ഫ്രാൻസ് ഒരുങ്ങുന്നു

 

ബം​ഗളൂരു: പ്രതിരോധ രം​ഗത്തെ മേക്ക് ഇൻ ഇന്ത്യയുടെ കുതിപ്പിൽ ചരിത്രം വഴിമാറുന്നു. ഇന്ത്യയിൽ നിന്നും ആയുധങ്ങൾ വാങ്ങാൻ ഫ്രാൻസ് തയ്യാറെടുക്കുന്നു. ഇന്ത്യ തദ്ദേശീയമായി നിർമിച്ച പിനാക റോക്കറ്റിലേക്കാണ് ഫ്രാൻസിന്റെ കണ്ണുടക്കിയതെന്നാണ് പ്രതിരോധ വൃത്തങ്ങൾ നൽകുന്ന വിവരം.ഇന്ത്യ ആയുധങ്ങൾ ഇറക്കുമതി ചെയ്യുന്ന രാജ്യങ്ങളുടെ കൂട്ടത്തിൽ രണ്ടാം സഥാനത്താണ് ഫ്രാൻസ്. ഇതാദ്യമായാണ് ഫ്രാൻസ് ഇന്ത്യയിൽ നിന്നും ആയുധങ്ങൾ വാങ്ങാൻ തയ്യാറെടുക്കുന്നത്. പിനാകയുമായി ബന്ധപ്പെട്ട ചർച്ചകൾ പുരോഗമിക്കുന്നുണ്ടെന്നാണ് റിപ്പോർട്ട്. റോക്കറ്റിന്റെ പ്രവർത്തന മികവ് ഫ്രഞ്ച് പ്രതിനിധി സംഘം നേരിട്ട് കണ്ട് ബോധ്യപ്പെട്ടിരുന്നുവെന്ന് റോയിട്ടേഴ്‌സ് റിപ്പോർട്ട് ചെയ്തു. എഐ ഉച്ചകോടിയിൽ പങ്കെടുക്കാൻ പ്രധാനമന്ത്രി ഫ്രാൻസിൽ എത്തിയ വേളയിലാണ് വിവരം പുറത്ത് വന്നിരിക്കുന്നത്പ്രതിരോധ ​ഗവേഷണ സ്ഥാപനമായ ഡിആർഡിഒ തദ്ദേശീയമായി വികസിപ്പിച്ച റോക്കറ്റ് സംവിധാനമാണ് പിനാക. 1.2 ടൺ ഭാരം വഹിക്കാൻ പിനാകയ്‌ക്ക് കഴിയും. 90 കിലോ മീറ്റര്‍ അകലെ സ്ഥിതി ചെയ്യുന്ന ശത്രുക്കളെയും ശത്രു താവളങ്ങളേയും കൃത്യതയോടെ തകര്‍ക്കാന്‍ ഇവയ്‌ക്ക് ശേഷിയുണ്ട്. 44 സെക്കന്‍ഡിനുള്ളില്‍ 12 തവണ റോക്കറ്റുകള്‍ ലോഞ്ച് ചെയ്യാനാകുമെന്നതാണ് ഇവയുടെ പ്രധാന പ്രത്യേകതയാണ്. ടെലിമിനേറ്ററി, റഡാറുകള്‍, ഇലക്ട്രോ ഒപ്റ്റിക്കല്‍ ടാര്‍ജെറ്റിംഗ് സിസ്റ്റം എന്നിവയും റോക്കറ്റിലുണ്ട്.അതിർത്തിയിൽ ഉടലെടുക്കുന്ന ചൈനീസ്-പാക് ഭീഷണികൾ നേരിടാൻ സൈന്യത്തിന് കരുത്തുപകരുന്നതിൽ മുൻപന്തിയിലാണ് പിനാകയുടെ സ്ഥാനം. നിരവധി തവണ പിനാകയുടെ സംഹാരശേഷി പാക് സേനയും ഭീകരരും നേരിട്ടറിഞ്ഞിരുന്നു.