ബാലകവിതാസമാഹാരം 'കാറ്റാടി' വൈദ്യുതി മന്ത്രി കെ.കൃഷ്ണൻ കുട്ടി പ്രകാശനം ചെയ്തു

 

പാലക്കാട്‌ :അജീഷ് മുണ്ടൂരിൻ്റെ ബാല കവിതാസമാഹാരം കാറ്റാടി വൈദ്യുതി വകുപ്പ് മന്ത്രി കെ.കൃഷ്ണൻ കുട്ടി പ്രകാശനം ചെയ്തു. നാല്പത്തിനാല് കുട്ടി കവിതകളടങ്ങിയ പുസ്തകമാണ് കാറ്റാടി.എൻ.പി.പബ്ലിക്കേഷൻസാണ് പുറത്തിറക്കിയത്.കവി,കഥാകൃത്ത്, ഗാനരചയിതാവ്, തിരക്കഥാകൃത്ത്,നോവലിസ്റ്റ്,നാടക-ചലച്ചിത്ര പ്രവർത്തകൻ തുടങ്ങി വിവിധ മേഖലകളിൽ വ്യക്തിമുദ്ര പതിപ്പിച്ച യുവ എഴുത്തുകാരനാണ് അജീഷ് മുണ്ടൂർ. നാലുപുരക്കൽ വീട്ടിൽ കൃഷ്ണൻകുട്ടി-ഇന്ദിര ദമ്പതികളുടെ മകനാണ്. കവിതാ സമാഹാരം, കഥാസമാഹാരം,നോവൽ തിരക്കഥ,തുടങ്ങിയ വിഷയത്തിലും പുസ്തക രചന നടത്തിയിട്ടുണ്ട്. പരസ്യ ചിത്രങ്ങളിലും ഡോക്യൂമെന്ററികളിലും, അഭിനയിക്കുകയും നിരവധി ഷോർട്ട് ഫിലിമുകൾ സംവിധാനം ചെയ്യുകയും ചെയ്തിട്ടുണ്ട്.കാറ്റാടി എന്ന രചന കുട്ടികളുൾപ്പെടെയുള്ള എല്ലാവർക്കും നന്നായി ഇഷ്ടപ്പെടുമെന്നാണ് പ്രതീക്ഷയെന്ന് മന്ത്രി പറഞ്ഞു