അർഹരെ കണ്ടെത്തി ദയ വീട് നിർമ്മിച്ചു നൽകിയാൽ അത് പത്തോളം നിരാലംബ കുടുംബങ്ങൾക്ക് പ്രയോജനമാകുമെന്ന ആശ്വാസത്തിലാണ് ഭൂമി നൽകാൻ തീരുമാനിച്ചതെന്ന് ദമ്പതികൾ വ്യക്തമാക്കി. നിലവിൽ സംസ്ഥാനത്തിന്റെ വിവിധ ഭാഗങ്ങളിലായി തികച്ചും അർഹരായവർക്ക് 19 ദയാഭവനങ്ങൾ ദയ നിർമ്മിച്ചു നൽകിയിട്ടുണ്ട്.ഇരുപതാമത് ദയ ഭവനം പൂർത്തീകരണ ഘട്ടത്തിലാണ്.
ഭവനരഹിതർക്ക് വീട് നിർമിക്കുക മാത്രമല്ല, വ്യത്യസ്തമായ ഓരോ കർമ പദ്ധതികളിലൂടെയും മാതൃക പ്രവർത്തനങ്ങൾ നടത്തിയിട്ടുണ്ട് ഈ കൂട്ടായ്മ.കാസർകോഡ് എൻഡോസൾഫാൻ ദുരിതബാധിതരുടെ പുനരധിവാസ പ്രവർത്തനങ്ങൾ ഉൾപ്പെടെ വിവിധ മേഖലകളിൽ ദയ സഹായമെത്തിച്ചിട്ടുണ്ട്. പാലക്കാട്‌ ജില്ലയിലെ പത്തു പഞ്ചായത്തു കളിലായി നടത്തിയ കാരുണ്യ വിപ്ലവം ഉൾപ്പടെയുള്ള പ്രവർത്തനങ്ങൾ ഇതിൽ ശ്രദ്ധേയമാണ്. 16 കോടിയോളം രൂപയുടെ കാരുണ്യ പ്രവർത്തനങ്ങൾ നടത്തിയിട്ടുള്ള ഈ സംഘടന പാവപ്പെട്ടവർക്കും അവയവമാറ്റ ശാസ്ത്രക്രിയ ചെയ്ത രോഗികൾക്കും ഉൾപ്പടെ അനേകം സഹായങ്ങൾ നൽകുന്നുമുണ്ട്. വിയ്യക്കുർശി 'ദയ ഗ്രാമ'ത്തിലൂടെ ആദ്യ ഭവനം ദയ അവയവ സ്വീകർത്താക്കൾക്ക് മരുന്നു നൽകൽ പദ്ധതിയിലെ ഗുണഭോക്താവ് മണികണ്ഠൻ മണ്ണാർക്കാടിന് നിർമിച്ചു നൽകും.ഭൂമിയുടെ രെജിസ്ട്രേഷൻ നടപടികൾ മണ്ണാർക്കാട് രജിസ്റ്റാർ ഓഫീസിൽ പൂർത്തിയാക്കി.ദയ ചാരിറ്റബിൾ ട്രസ്റ്റ് ചെയർമാൻ ഇ.ബി.രമേഷ്,ട്രഷറർ ശങ്കർ.ജി.കോങ്ങാട്, ദയ മെമ്പർ എം.പുരുഷോത്തമൻ,കേശവദാസ് നായർ,രാജലക്ഷ്മി.പി,മല്ലിക കേശവദാസ്, രാജേശ്വരി മണ്ണാർക്കാട് തുടങ്ങിയവർ വാർത്ത സമ്മേളനത്തിൽ പങ്കെടുത്തു.
إرسال تعليق