ഒരു കോടി രൂപ ചെലവിൽ പൂർത്തീകരിച്ച കരിമ്പ ഗവ യുപി സ്കൂൾ പുതിയ കെട്ടിടത്തിന്റെ ഉദ്ഘാടനം സ്പീക്കർ ഷംസീർ നിർവഹിച്ചു
കല്ലടിക്കോട് :പാഠ്യ-പാഠ്യാനുബന്ധപ്രവർത്തനങ്ങളിൽ മികവു തെളിയിച്ച കരിമ്പ ഗവൺമെന്റ് യു.പി.സ്കൂളിൽ കിഫ്ബി ഫണ്ട് ഉപയോഗിച്ച് പണിത 8 ക്ലാസ് മുറികളുൾപ്പെടുന്ന പുതിയ കെട്ടിടത്തിന്റെ ഉദ്ഘാടനം കോങ്ങാട് നിയോജക മണ്ഡലം എംഎൽഎ അഡ്വക്കേറ്റ് കെ.ശാന്തകുമാരിയുടെ അധ്യക്ഷതയിൽ നിയമസഭ സ്പീക്കർ
എ.എൻ.ഷംസീർ ഉദ്ഘാടനം ചെയ്തു.
വിദ്യാഭ്യാസം ഒരു പൊതു നന്മയാണ്. പൊതുവിദ്യാഭ്യാസ മേഖലയിൽ കേരളത്തിൽ ഗുണപ്രദമായ മാറ്റങ്ങൾ
വളരെ പ്രകടമാണ്.
മികച്ച സാമാജിക എന്ന നിലയിൽ എം എൽ എ ശാന്തകുമാരി കോങ്ങാടിന്റെ പ്രശ്നങ്ങൾ സർക്കാരിന്റെ ശ്രദ്ധയിൽ കൊണ്ടു വരുന്നതിൽ വളരെ ശ്രദ്ധ പുലർത്തുന്നതായും
സ്പീക്കർ ഉദ്ഘാടന വേളയിൽ പറഞ്ഞു.
ഇതിനോടൊപ്പം 32 വർഷത്തെ സ്തുത്യർഹമായ സേവനത്തിനുശേഷം വിരമിക്കുന്ന മുംതാസ് ടീച്ചർക്കുള്ള യാത്രയയപ്പും കുട്ടികളുടെ വൈവിധ്യമാർന്ന കലാപരിപാടികളും അരങ്ങേറി.സ്റ്റാഫ് സെക്രട്ടറി രമ സ്പീക്കറിനും
എംഎൽഎക്കും സ്കൂളിന്റെ ഉപഹാരങ്ങൾ നൽകി.
വിദ്യാഭ്യാസ പ്രവർത്തകരും ജനപ്രതിനിധികളും സംഘടനാ നേതാക്കളും
നാടിന് ഉത്സവച്ഛായ പകർന്ന പുതിയ കെട്ടിടത്തിന്റെ ഉദ്ഘാടന ചടങ്ങിൽ പങ്കെടുത്തു.
إرسال تعليق