കഴിഞ്ഞദിവസം രാത്രി കൂടു പൊളിച്ച് അകത്തു കടന്ന നായ്ക്കൂട്ടം, വിലയേറിയ ഇനങ്ങളിൽപ്പെട്ടവ ഉൾപ്പെടെ 20 കോഴികളെയാണു കടിച്ചു കൊന്നത്. ശേഷിക്കുന്നതു പത്തോളം കോഴികൾ മാത്രം. അർബുദം ബാധിച്ചു ഭർത്താവ് മരിച്ചതിനു പിന്നാലെയാണു ബൽക്കീസ് കോഴി വളർത്തൽ ആരംഭിച്ചത്. കോളജ് വിദ്യാർഥികളായ 2 മക്കൾ ഉൾപ്പെട്ട കുട‌ുംബത്തിന്റെ ജീവിതമാർഗമാണിത്. 1500 മുതൽ 2000 രൂപ വരെ വിലയുള്ള കോഴികളെയും നഷ്ടമായി.
4 മാസത്തോളമായി പത്തോളം തെരുവുനായ്ക്കളാണു പ്രദേശം കയ്യടക്കുന്നത്. ഇരുമ്പു നിർമിത കൂടുകൾ ഉൾപ്പെടെ തകർത്താണു നായ്ക്കൾ കോഴികളെ കൈക്കലാക്കുന്നത്. ഇവരു‌ടെ അയൽവാസി പള്ളിയാലിൽ കാർത്യായനിയുടെ വീട്ടിലെ 5 കോഴികളെയും കഴിഞ്ഞ ദിവസം നായ്ക്കൂട്ടം കടിച്ചുകൊന്നു.
Post a Comment