ശ്രീകൃഷ്ണപുരം : ശ്രീകൃഷ്ണപുരത്തും പരിസരപ്രദേശങ്ങളിലുമുള്ള കലാ-സാഹിത്യ- സാംസ്കാരിക പ്രവർത്തകരുടെ ഉന്നമനത്തിനായി ശ്രീകൃഷ്ണപുരം കേന്ദ്രീകരിച്ച് ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ ഒരു സാംസ്കാരിക കൂട്ടായ്മയ്ക്ക് രൂപം നൽകി. കലാസാഹിത്യ-സാംസ്കാരിക രംഗത്ത് വളർന്നുവരുന്ന യുവതലമുറയെ പ്രോത്സാഹിപ്പിക്കാനും ചർച്ചകളും സംവാദങ്ങളും സംഘടിപ്പിക്കാനും ഈ കൂട്ടായ്മ ലക്ഷ്യമിടുന്നു. ബ്ലോക്ക് കോൺഗ്രസ് പ്രസിഡണ്ട് സുരേഷ് തെങ്ങിൻ തോട്ടത്തിന്റെ അദ്ധ്യക്ഷതയിൽ പി.ഹരിഗോവിന്ദൻ യോഗം ഉദ്ഘാടനം ചെയ്തു. കെ.ബാലകൃഷ്ണൻ. ജെ.പി. കല്ലുവഴി, യു.കുഞ്ഞയമ്മു, രാജു കരിയോട്, പി.മണികണ്ഠൻ, പി.മോഹനൻ, പി.ഗിരീശൻ, ഭാസ്കരൻ ചിങ്ങനേഴി തുടങ്ങിയവർ സംസാരിച്ചു.
إرسال تعليق