തൃശൂർ: പാലിയേക്കരയിൽ വൻ സ്പിരിറ്റ് വേട്ട. കരിക്കെന്ന വ്യാജേന പിക്കപ്പ് വാനിൽ കടത്താൻ ശ്രമിച്ച 50 കന്നാസ് സ്പിരിറ്റാണ് എക്‌സൈസ് സംഘം പിടികൂടിയത്. പാലിയേക്കര ടോൾപാസയ്‌ക്ക് സമീപം നടന്ന വാഹന പരിശോധനയ്‌ക്കിടെയാണ് സ്പിരിറ്റ് പിടികൂടിയത.് തമിഴ്‌നാട്ടിൽ നിന്നും എറണാകുളത്തേക്ക് കടത്താൻ ശ്രമിക്കുന്നതിനിടെയാണ് സംഘം കുടുങ്ങിയത്.
35 ലിറ്റർ വീതമുള്ള 50 കന്നാസ് സ്പിരിറ്റാണ് പിടിച്ചതെന്ന് എക്‌സൈസ് അറിയിച്ചു. സംഭവത്തിൽ വാഹനത്തിന്റെ ഡ്രൈവറടക്കം രണ്ടുപേരെ അറസ്റ്റ് ചെയ്തു. പാലക്കാട് സ്വദേശി ശ്രീകൃഷ്ണൻ, മധുര സ്വദേശി കറുപ്പുസ്വാമി എന്നിവരാണ് അറസ്റ്റിലായത്. സംസ്ഥാന എക്‌സൈസ് എൻഫോഴ്‌സ്‌മെന്റ് സ്‌ക്വാഡ് അസിസ്റ്റന്റ് കമ്മീഷണർ അനികുമാറിന്റെ നേതൃത്വത്തിലുള്ള സംഘമാണ് സ്പിരിറ്റ് പിടികൂടിയത്.
إرسال تعليق