കണ്ണൂർ :ഇന്ത്യയിലെ പ്രമുഖ കണ്‍സ്യൂമര്‍ ഡ്യൂറബിള്‍സ് ബ്രാന്‍ഡായ ഉഷ കണ്ണൂരിലെ പള്ളിക്കുന്നിലുള്ള ശ്രീപുരം ഇംഗ്ലീഷ് മീഡിയം സ്‌കൂള്‍ ഓഡിറ്റോറിയത്തില്‍ ഉഷ കളരിപ്പയറ്റ് ഗ്രാന്‍ഡ് മഹോത്സവ് 2024 സംഘടിപ്പിച്ചു.ലബാര്‍ സോഷ്യല്‍ സര്‍വീസ് സൊസൈറ്റിയുടെയും കളരി സംഘടനയുടെയും പിന്തുണയോടെ സംഘടിപ്പിച്ച പരിപാടിയില്‍ കണ്ണൂര്‍ ജില്ലയിലെ 12 കളരി സംഘങ്ങളെ പ്രതിനിധീകരിച്ച് 172 പേര്‍ വിവിധ ഇനങ്ങളിലായി മത്സരിച്ചു. മുഖ്യാതിഥിയായിരുന്ന കണ്ണൂര്‍ കോര്‍പ്പറേഷന്‍ മേയര്‍ മുഹമ്മദ് മുസ്ലിഹ് മടത്തില്‍ വിജയികളെ അനുമോദിച്ചു.ഒരു ദിവസം മുഴുവന്‍ നീണ്ടു നിന്ന പരിപാടിയില്‍ പയ്യമ്പള്ളി കളരി സംഘം ഒന്നാം സ്ഥാനവും ശ്രീദുര്‍ഗ്ഗ കളരിയും ശ്രീഭരത് കളരിയും രണ്ടാം സ്ഥാനവും നേടി.
'ശാരീരിക ചടുലത ആവശ്യപ്പെടുന്ന കളരി ഉള്‍പ്പെടെ ഇന്ത്യയിലുടനീളമുള്ള ഞങ്ങളുടെ പരമ്പരാഗത കായിക മത്സരങ്ങള്‍ക്ക് ഞങ്ങള്‍ക്ക് ലഭിച്ചുകൊണ്ടിരിക്കുന്ന ആവേശവും മികച്ച പ്രതികരണവും ഉഷയില്‍ ഞങ്ങള്‍ക്ക് പ്രോത്സാഹനത്തിന്റെ ഉറവിടമാണ്.ഇന്ത്യയുടെ ഒരു പൈതൃക ബ്രാന്‍ഡായതിനാല്‍, ഇന്ത്യയുടെ സമ്പന്നമായ കായിക പൈതൃകത്തെ യുവതലമുറയുമായി ബന്ധപ്പെടുത്തുകയും മെച്ചപ്പെടുത്തുകയും ചെയ്യുന്നത് ഞങ്ങള്‍ക്ക് അന്തര്‍ലീനമാണ്, മാത്രമല്ല കായികത്തിലൂടെ എല്ലാ പ്രായത്തിലുമുള്ള ആളുകള്‍ക്കിടയില്‍ ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിനുള്ള ഞങ്ങളുടെ സമഗ്രമായ ബ്രാന്‍ഡ് ധാര്‍മ്മികത വര്‍ദ്ധിപ്പിക്കുകയും ചെയ്യുന്നു.'ഉഷ ഇന്റര്‍നാഷണലിന്റെ സ്പോര്‍ട്സ് ഇനിഷ്യേറ്റീവ്സ് ആന്‍ഡ് അസോസിയേഷന്‍സ് മേധാവി കോമള്‍ മെഹ്റ പറഞ്ഞു.
إرسال تعليق