കണ്ണൂർ :ചലച്ചിത്ര സംസ്ക്കാരിക പ്രവർത്തകനും ചിത്രരശ്മി പ്രൊഡക്ഷൻസ്-ഡയറക്ടറുമായ മിഥുൻ മനോഹറിനെ കണ്ണൂർജില്ലയിലെ പ്രശസ്തമായ വേങ്ങാട് സാന്ത്വനം ട്രസ്റ്റിനുവേണ്ടി മലയാളത്തിൻ്റെ പ്രിയപ്പെട്ട കഥാകാരൻ ശിഹാബുദ്ദീൻ പൊയ്ത്തുംകടവ് ആദരിച്ചു.'പാട്ടുപ്പെട്ടി' എന്ന സിനിമയിലൂടെ ദേശീയ പുരസ്കാരം കൈവരിച്ചതിനാണ് സാന്ത്വനം ട്രസ്റ്റിന്റെ ആദരം.ജീവിതാഭിമുഖ്യമുള്ള ചെറു ചിത്രങ്ങളിലൂടെയും, ഗ്രാമീണ കഥാപാത്രങ്ങളിലൂടെയും പ്രേക്ഷക ഹൃദയങ്ങളില്‍ ഇടം നേടിയ സംവിധായകനാണ് മിഥുൻ മനോഹർ. സത്യജിത്ത് റേ പുരസ്കാരം ഉൾപ്പെടെ നിരവധി അംഗീകാരങ്ങളും മിഥുന് ലഭിച്ചിട്ടുണ്ട്.അച്ഛൻ മുകുന്ദൻ മാസ്റ്ററിലൂടെ മൂന്നു പതിറ്റാണ്ട് മുമ്പ് ഇന്ത്യൻ ചലച്ചിത്ര രംഗത്തെത്തിയ മിഥുൻ കഴിഞ്ഞ 15 വര്‍ഷത്തിലേറെയായി മലയാളസിനിമയിലെയും പുസ്തകപ്രസാധനരംഗത്തെയും സജീവ സാന്നിധ്യമാണ്.പ്രമേയം കൊണ്ട് ഏറെ വ്യത്യസ്തമായ 'ദാദി കി കഹാനി'എന്ന ഹിന്ദി ചിത്രത്തിന്റെ സംവിധാനത്തിലാണ് മിഥുൻ.
إرسال تعليق