തച്ചമ്പാറ: തച്ചമ്പാറയിലെ സമാന്തര വിദ്യാഭ്യാസ സ്ഥാപനമായ വിദ്യഗൈഡൻസിൽ 8,9 ക്ലാസ്സുകളിലെ കുട്ടികൾക്കായി സംഘടിപ്പിച്ച മൂന്നാമത് ടാലന്റ് എക്‌സാമിലെ വിന്നേഴ്സിനായി അനുമോദന ചടങ്ങും വാർഷിക പരീക്ഷാ തയ്യാറെടുപ്പിൻ്റെ ഭാഗമായി ആരംഭിക്കുന്ന 'വിഷൻ 33'ഡേയ്‌സ്ന്റെ ഉദ്ഘാടനവും സമുചിതമായി സംഘടിപ്പിച്ചു. വിദ്യ യുടെ മാത്രം പ്രത്യേകതയായ ടാലന്റ് പരീക്ഷ 8,9,10 ക്ലാസുകളിലെ പാഠഭാഗങ്ങൾ ഉൾപ്പെടുത്തി അതാത് ക്ലാസുകളിലെ കുട്ടികൾക്കായി മുടങ്ങാതെ നടത്തി വരുന്ന ഒരു അധ്യയന പ്രവർത്തനമാണ്. വിജയികൾക്ക് ട്രോഫിയും സർട്ടിഫിക്കറ്റും മെഡലുകളും നൽകി പഠന പ്രോത്സാഹനം നൽകുകയാണ് ലക്ഷ്യം. ഈ വർഷം 8,9 ക്ലാസുകളിലെ കുട്ടികൾക്കായി മൂന്നാം തവണ നടത്തിയ ടാലൻ്റ് പരീക്ഷയിൽ അനന്യ (IX) റിതു (VIII) എന്നീ വിദ്യാർത്ഥികൾ ജേതാക്കളായി.കൂടാതെ 9-ാം ക്ലാസിൽ നിന്നും അഞ്ജിമ, അയന, മിൻഹ, നേഹ, മുഫീദ, അനുപമ, ആർദ്ര, വൈഭവ്, സ്നേഹ എന്നിവർ ടോപ് 10 പൊസിഷനിലും 8-ാം ക്ലാസിൽ നിന്നും ഫാത്തിമ സഫ, ഇർഫാൻ, അഭിജിത്ത്, നന്ദു, സഫ ഫാത്തിമ, എന്നിവർ ടോപ് 5 പൊസിഷനിലും എത്തി.
വാർഷിക പരീക്ഷയുടെ തയ്യാറെടുപ്പിൻ്റെ ഭാഗമായി 'വിഷൻ 33' എന്ന പേരിൽ നൂതനമായൊരു പരിപാടിയുടെ ഉദ്ഘാടനം കേക്ക് മുറിച്ചു കൊണ്ട് ടാലെന്റ് വിന്നേഴ്‌സ് ആയ കുട്ടികൾ നിർവ്വഹിച്ചു.33 ദിവസത്തെ സ്റ്റഡി ടൈം ടേബിളിനെയും റിവിഷൻ പ്രവർത്തനങ്ങളേയും വർക്ക്ഷീറ്റ്,മോഡൽ ചോദ്യപേപ്പർ മുതലായ പഠനോപാധികളേയും -അടിസ്ഥാനമാക്കിയുള്ള തീവ്ര പരിശീലനമാണ് വിഷൻ 33 ഡേയ്‌സ് എന്ന കൊണ്ട് ഉദ്ദേശിക്കുന്നത്. ഇതിൻ്റെ പ്രായോഗികത, ഗുണങ്ങൾ മുതലയവയെക്കുറിച്ച് ബൈജു സംസാരിച്ചു. പ്രധാന അധ്യാപകൻ അനീഷ് മൊബൈൽ ഫോണിന് വിദ്യാർത്ഥികൾക്കിടയിലുള്ള ദൂഷ്യവശങ്ങളെക്കുറിച്ചും മൊബൈൽ ഒഴിവാക്കേണ്ടതിൻ്റെ ആവശ്യകതയെക്കുറിച്ചും സംസാരിച്ചു.സുജീഷ് മാസ്റ്റർ അവതരണം നിർവ്വഹിച്ച പരിപാടിയിൽ വിദ്യാർത്ഥികളിൽ പുത്തനുണർവും പുതു പ്രതീക്ഷകളും സമ്മാനിച്ചു.
إرسال تعليق